मुंबई: ‘लाडकी बहीण’ योजनेच्या अर्जांची छाननी होणार का, यावरून सध्या राजकीय वातावरण चांगलंच तापलं आहे. महिलांना साडेसात हजार रुपये देऊन मतं मिळवल्याचा आरोप विरोधकांकडून करण्यात आला आहे. मात्र, माजी मंत्री आदिती तटकरेंनी अर्जांच्या छाननीसंबंधी चर्चांवर स्पष्टीकरण दिलं आहे.
राऊत यांची टीका:
ठाकरे गटाचे नेते संजय राऊत यांनी सरकारवर हल्लाबोल करत विचारलं, “मतं विकत घ्यायची होती तेव्हा निकष का लावले नाहीत? आता अर्जांची छाननी करून महिलांचा अपमान करताय.”
चित्रा वाघ यांचं उत्तर:
भाजप नेत्या चित्रा वाघ यांनी सांगितलं, “ज्या पुरुषांनी महिलांच्या नावावर अर्ज करून योजनेचा गैरफायदा घेतला आहे, त्यांच्यावर चौकशी होणार आहे. परंतु ज्यांनी पात्रतेनुसार अर्ज केला, त्यांना घाबरण्याचं काही कारण नाही.”
आदिती तटकरे यांचा दिलासा:
माजी मंत्री आदिती तटकरे यांनी महिलांना आश्वस्त करत सांगितलं की, “अर्जांची सर्वसाधारण छाननी केली जाणार नाही. तक्रारी आल्यासच त्या प्रकरणात तपास केला जाईल.”
‘लाडकी बहीण’ योजनेबाबत सुरू असलेल्या या चर्चांमुळे महिलांमध्ये संभ्रम निर्माण झाला असला, तरी सरकारने योजनेच्या अंमलबजावणीत योग्य पारदर्शकता ठेवण्याचं आश्वासन दिलं आहे.
