वसुबारस सण, जो दिवाळीच्या पर्वाचा एक महत्त्वाचा भाग आहे, गाय आणि वासराच्या प्रेमाचं प्रतीक मानला जातो. हा सण मुख्यतः घरातील गोधनाची पूजा करण्यासाठी साजरा केला जातो. वसुबारसच्या दिवशी, विशेषतः वासरासह असलेल्या गाईचं पूजन केलं जातं.
या दिवशी गाईच्या पायावर पाणी घालून तिला ओवाळलं जातं, गंध लावला जातो, आणि तिला चारा खायला दिला जातो. हे सर्व एकत्र करून, घरात लक्ष्मीचं आगमन व्हावे, हा उद्देश असतो.
वसुबारसच्या शुभ मुहूर्ताबाबत बोलायचं झालं, तर यंदा वसुबारस तिथी सोमवार, 28 ऑक्टोबर रोजी संध्याकाळी 7:53 पासून सुरू होईल, आणि मंगळवारी 29 ऑक्टोबर रोजी संध्याकाळी 5:04 पर्यंत राहील.
या दिवशी घरातील गायींना अंघोळ घातली जाते, अंगावर हळद लावली जाते, आणि त्यांना नवीन वस्त्रं घातली जातात. या सणामुळे भरपूर कृषी उत्पादनाची अपेक्षा केली जाते, तसेच कुटुंबातील सदस्यांचं आरोग्य आणि सुख साजरा करण्यासाठी वसुबारसची पूजा केली जाते.
